forigen pen21

 
 
 
 
 
 
 
 
 
 
 
 
 
 
 
රාජ්‍ය සේවකයින් විශ්‍රාම ගැන්වීමේ දී එක්වරක් අනිවාර්යයෙන් සහභාගී විය යුතු 'සත්කාර පියස සම්මුඛ පරීක්ෂණය' විශ්‍රාම වැටුප් දෙපාර්තමේන්තුවේ කොළඹ ප්‍රධාන ශාඛාවේ දී පමණක් පැවැත්වුණු අතර එම ක්‍රියාවලිය විමධ්‍යගත කරමින් දිස්ත්‍රික් මට්ටමින් පැවැත්වීමට විශ්‍රාම වැටුප් දෙපාර්තමේන්තුව කටයුතු යොදා තිබේ.
 
එහි පළමු අදියර 2022.04.25 වන දින ගාල්ල සහ මාතර දිස්ත්‍රික්කවලින් ආරම්භ කෙරිණි.
 
කොරෝනා වසංගතය පැවති ඉකුත් කාල සීමාව තුළදී නියමු ව්‍යාපෘතියක් ලෙස සත්කාර පියස සම්මුඛ පරීක්ෂණ දිස්ත්‍රික් මට්ටමින් පැවැත්වීම ආරම්භ කෙරුණු අතර කොළඹ ප්‍රධාන ශාඛාව වෙත පැමිණීමෙන් තොරව පහසුවෙන් සිය දිස්ත්‍රික්කය තුළ දීම සිය විශ්‍රාම වැටුප සක්‍රීය කිරීම සිදු කර ගැනීමට විශ්‍රාමිකයන්ට අවස්ථාව හිමිවිණි.
 
 සහභාගී වන විශ්‍රාමිකයන්ගේ සෞඛ්‍ය ආරක්ෂාව උපරිම රැකෙන ලෙස වැඩසටහන සංවිධානය කර තිබූ අතර මෙම කර්තව්‍ය සාර්ථක කර ගැනීම සඳහා ගාල්ල දිස්ත්‍රික් ලේකම් ශාන්ත වීරසිංහ මහතා සහ මාතර දිස්ත්‍රික් ලේකම් වයි වික්‍රමසිරි මහතා ඇතුළු ඔවුන්ගේ කාර්ය මණ්ඩලයන්ගේ උපරිම සහයෝගය හිමි විය.
 
විශ්‍රාම වැටුප් දෙපාර්තමේන්තු නිලධාරීන් ප්‍රාදේශීය වශයෙන් අනියුක්ත කරමින් මේ සදහා දායකත්වය ලබා දීමට අවශ්‍ය කටයුතු සලසා දෙන ලදී.

 

 

          






 alt=             
               
 

 

forigen pen21

 

 

 

 

 

 

 

 

යුධ හමුදාව,නාවික හමුදාව,ගුවන් හමුදාව ඇතුළු සන්නද්ධ සේවාවන් හි විශ්‍රාම වැටුප් සම්බන්ධ ක්‍රියාවලිය මෙහෙයවනු ලබන විශ්‍රාම වැටුප් දෙපාර්තමේන්තුවේ කාර්ය භාරය පිළිබඳ අධ්‍යයනය කිරීම සඳහා ත්‍රිකුණාමලය  නාවික හා සාගරික විද්‍යා පීඨයේ නිලධාරීන් කණ්ඩායමක් 2022.04.07 වන දින විශ්‍රාම වැටුප් දෙපාර්තමේන්තුවේ ක්ෂේත්‍ර අධ්‍යයන චාරිකාවක නිරත විය.

 

මධ්‍යගත දත්ත පද්ධතියක් හා යා වෙමින් මාර්ගගත ක්‍රියවලිය ඔස්සේ විශ්‍රාම වැටුප් ගෙවීම් සිදුවන ආකරය සහ ත්‍රිවිධ හමුදාවන්ට අදාළව සන්නද්ධ සේවා විශ්‍රාම වැටුප් ගෙවීමේ ක්‍රියාවලිය සිදු කෙරෙන ආකාරය පිළිබඳ මෙහි දී නිලධාරීන් දැනුම්වත් කිරීම සිදු කරනු ලැබීය.

 

එමෙන්ම  වැන්දඹු හා අනත්දරු විශ්‍රාම වැටුප් ක්‍රමය පිළිබඳ හා එම ලිපිගොණු නිවැරදිව යාවත්කාලීන කිරීම පිළිබඳව නිලධාරීන් දැනුම්වත් කරනු ලැබිණි.

 

විශ්‍රාම වැටුප් දෙපාර්තමේන්තුවේ මධ්‍යගත සහ විමධ්‍යගත ලෙස දෙයාකාරයකින් සිදුකෙරෙන විශ්‍රාම වැටුප් ලියාපදිංචි කීරිම් ඇතුළු ගෙවීම් ක්‍රියාවලිය ඒ ඒ අංශවලින් සිදු කෙරෙන ආකාරය නිරීක්ෂණය කිරීමට ද එම නිලධාරීන්ට අවස්ථාව හිමි විය. විශ්‍රාම යන අවස්ථාවේ සෑම රාජ්‍ය නිලධාරියකු ම අනිවාර්යයෙන් සහභාගි විය යුතු සත්කාර පියස සම්මුඛ පරීක්ෂණය සිදුවන ආකාරය ද මෙහි දී නිරීක්ෂණය කෙරිණි.

 

මෙම අවස්ථාවට ත්‍රිකුණාමලය  නාවික හා සාගරික විද්‍යා පීඨයේ  නිලධාරින් 5 දෙනෙකු ඇතුළු සෙසු නිලයන් 30 දෙනෙකු සහභාගී විය.

          

 alt=             
               
 

 

 

 

 

 

 

 

 

 

 

 

 

 fb banner

 

 

විශ්‍රාම වැටුප් අධ්‍යක්ෂ ජනරාල්වරයාගේ සිංහල දමිළ අලුත් අවුරුදු පණිවුඩය
 
සිංහල හා දමිළ අලුත් අවුරුද්ද යනු වචනයේ පරිසමාප්ත අර්ථයෙන්ම එක් වීමයි. සහෝදරත්වයෙන්  යා වීමයි. වාර්ගික වශයෙන්, ජාතීන් වශයෙන්, දේශපාලනික වශයෙන් බෙදී වෙන්වී නොගොස් එකමුතු වී එක්සත් වීම සිංහල හා දමිළ අලුත් අවුරුද්දේ සැබෑම හරය විය.ඇත්ත වශයෙන්ම රටේ සියලුම පුරවැසියන් ජාති ආගම් භේදයකින් තොරව එකට එක් කළ වෙනත් සංස්කෘතික උළෙලක් අපේ රටට නැති තරම් ය.
 
නිදහසින් පසු වසර 74 කට අධික කාලයක් සියලු පුරවැසියන්ගේ දායකත්වයෙන්  නිර්මාණය කර ගත් වියවුල් රැසක් පරිසමාප්තියට පත් වුණු මොහොතක තවත් සිංහල හා දමිළ අලුත් අවුරුද්දක් උදා වී තිබේ. 
 
එසේ වුවද අලුත් අවුරුද්දෙහි සැබෑ හරය අමතක කළ යුතු නැත. සූර්යයා මීන රාශියෙන් මේෂ රාශියට යන සුවිශේෂි කාල සීමාව තුළ රටක් ලෙස අපගේ දිශානතිය කොයිබට විය යුතුද යන්න සිතීමට වෙන් කර ගැනීම සුදුසුය.
 
ආර්ථික දුෂ්කරතා රැසක් මධ්‍යයේ වුවද  විශ්‍රාම වැටුප් දෙපාර්තමේන්තුව හා එහි කාර්ය මණ්ඩලය, සියලු රාජ්‍ය ආයතන, දිස්ත්‍රික් ලේකම්වරුන්, ප්‍රාදේශීය ලේකම්වරුන්, තැපැල් පති ප්‍රමුඛ එම කාර්ය මණ්ඩල, රාජ්‍ය බැංකු, පෞද්ගලික බැංකු, ග්‍රාමීය බැංකු ඇතුළු සමස්ත පද්ධතියේම සහාය ලබා ගෙන 675,000 ක පමණ වන ඔබ වෙත අඛණ්ඩව විශ්‍රාමික ප්‍රතිලාභ ලබා දීම සඳහා කැපවූ බව සිහිපත් කරමි.
 
රටේ වියතුන්, උගතුන්, බුද්ධිමතුන් හා අත්දැකීම් බහුල පරිණත මිනිසුන්ගේ විශාලතම එකමුතුව ලෙස ශ්‍රී ලාංකික විශ්‍රාමික ප්‍රජාව හඳුන්වාදිය හැකිය. ඔබගේ අදහස් හා මතවාදයන් හි වෙනස්කම්,එකඟවීම් සහ විරෝධතාවයන් එසේම තබාගෙන අත්දැකීම් බහුල ජ්‍යෙෂ්ඨ පුරවැසියන් ලෙස සිදු  වූ වැරදි හා අතපසුවීම් පසෙකලා රට පෙරටුව තබාගෙන යහපත් ආකල්ප සහිත තරුණ ප්‍රජාවක් ගොඩනැඟීම සඳහා ඔබේ තරුණ දරුවන්ට, දරු මුණුපුරන්ට ඒ මඟ කියාදීම සඳහා මේ සිංහල හා දමිළ අලුත් අවුරුද්ද යොදාගන්නා ලෙස ඉල්ලමි.
 
ජ්‍යෙෂ්ඨ පුරවැසි ඔබ සැමටත් විශ්‍රාම වැටුප් දෙපාර්තමේන්තු කාර්ය මණ්ඩලය සහ ඔවුන්ගේ පවුලේ සාමාජිකයන්ටත් ශ්‍රී ලංකාවාසී සෑම සියලු දෙනාටත් සාමය,සහනය,සතුට පිරි සුභ අලුත් අවුරුද්දක් වේවා!
 
ඒ ජගත් ඩී ඩයස්
විශ්‍රාම වැටුප් අධ්‍යක්ෂ ජනරාල්
 

          

             
               
 

Latest News & Events