Uncategorised
වීඩියෝ ගැලරිය
|
|
|
|
| බක් මහ සැණකෙළිය - 2024 | තොරතුරු තාක්ෂණ පද්ධති හඳුන්වා දීම 2024 | විශ්‍රාම වැටුප් සේවා සඳහා නව තොරතුරු තාක්ෂණ පද්ධතීන් එළි දැක්වීම 2025 |
සංවිධාන ව්‍යුහය
හැඳින්වීම
ආර්ථික හා සමාජීය වශයෙන් තෘප්තිමත් විශ්‍රාමික ප්‍රජාවක් ගොඩනැංවීමයි.
රාජ්‍ය සේවා විශ්‍රාමිකයින් හා ඔවුන්ගේ ප්‍රතිලාභීන් සඳහා තොරතුරු තාක්ෂණය හා තිරසාර කළමනාකරණ ක්‍රමවේද භාවිතයෙන්ද, පෞද්ගලික හා රාජ්‍ය අංශ මුහුවෙන් ඉහළ සේවාලාභී හා සේවාදායක තෘප්තිය තහවුරු කරමින් නෛතික ප්‍රතිලාභයන් පිළිගැන්වීම.
- රාජ්‍ය සේවක විශ්‍රාම ප්‍රතිලාභ විශ්‍රාම වැටුප් ව්‍යවස්ථා සංග්‍රහය හා වැන්දඹු හා අනත්දරු පනතට අනුකූලවන පරිදි පිළිගැන්වීමේ ක්‍රියාවලිය නියාමනය කිරීම හා ඊට අදාල විධිවිධානයන් පැනවීම
- විශ්‍රාම වැටුප් සම්බන්ධව නෛතික රාමු,රීතීන්ට හා ප්‍රතිපත්ති තීරණවලට අනුකූලව රාජ්‍ය සේවකයන්ගේ විශ්‍රාම වැටුප පිළිගැන්වීම
- මාසික විශ්‍රාම වැටුප් ප්‍රතිලාභ අඛන්ඩව ගෙවීම හා එක්වරක් ගෙවන ප්‍රතිලාභ නිරවද්‍යතාවයකින් යුක්තව පිළිගැන්වීම
- රාජ්‍ය සේවා අර්ථසාධක අරමුදල් ක්‍රමය නියාමනය හා ප්‍රතිලාභ පිළිගැන්වීම
- රජය වෙනුවෙන් වැන්දඹු හා අනත්දරු දායක මුදල් රැස්කිරීම හා අනෙකුත් ආදායම් රැස්කිරීම හා කළමනාකරණය කිරීම
- විශ්‍රාම වැටුප් සකස්කිරීමේ ඒකක හා විශ්‍රාම වැටුප් ගෙවීම සම්බන්ධ වන බැංකු හා ගෙවීම් ජාලය සමග ඵලදායි සම්බන්ධතාවයක් පවත්වා ගැනීම හා ප්‍රවර්ධනය
- සමාජ ආරක්ෂණය පිළිබද ලෝක ප්‍රවණතා අධ්‍යයනය කරමින් නූතන සමාජ ආරක්ෂණ ක්‍රමයන් පිළිබදව ප්‍රතිපත්ති සම්පාදනය සදහා සහාය වීම
- වාර්ෂික අයවැය පිළියෙළ කිරීම හා ප්‍රගතිය පිළිබදව ව්‍යවස්ථාදායකයට වගවීම
- සමස්ථ විශ්‍රාමික ප්‍රජාවගේ ආර්ථික හා සමාජ සුභසාධනයට අවශ්‍ය වැඩසටහන් හදුනාගැනීම හා ක්‍රියාත්මක කිරීමට පෞද්ගලික හා රාජ්‍ය නොවන අංශයේ දායකත්වය ලබාගැනීම
- විශ්‍රාමික සංගම් ප්‍රමුඛ කොටගත් සිවිල් සමාජය සක්‍රීයව සම්බන්ධ කරගනිමින් ප්‍රාදේශීය සංවර්ධන ක්‍රියාවලියට දායක කර ගැනීම
- පරපුරවල් අතර අන්තර් සබදතාව ගොඩනැංවීම සදහා පුරෝගාමී ලෙස දායක වීම
ඉතිහාසය
විශ්‍රාම වැටුප් හා වැන්දඹු අනත්දරු විශ්‍රාම වැටුප් ගෙවීම් ඉතිහාසය ආරම්භ වන්නේ වසර 1815 දී ශ්‍රී ලංකාව ඉංග්‍රීසි ජාතිකයන්ගේ පාලනයට නතුවිමත් සමඟ ය.යටත් විජිතයෙහි සේවය කළ රාජ්‍ය නිළධාරීන්ට මාසික වැටුප් මෙන් ම විශ්‍රාම වැටුප ද හිමි වූ අතර එම ගෙවීම් පිළිබඳ වගකීම යටත් විජිත ලේකම් වෙත පැවරී තිබුණි. විශ්‍රාම වැටුප් ගෙවිම පිළිබඳ මූලික වාර්තා විසිවන ශතවර්ෂයේ ආරම්භයේ සිට දක්නට ලැබෙන අතර වර්ෂ 1947 අංක 02 දරණ ආඥා පනතේ 02 වැනි වගන්තියෙන් විශ්‍රාම වැටුප් ව්‍යවස්ථා සංග්‍රහය ස්ථාපිත වුවත් විශ්‍රාම වැටුප වර්ෂ 1901 සිට ලංකාවේ පැනවූ නීතියේ කොටසක් බවට පත්ව ඇත.
වර්ෂ 1947 දී කෙටුම්පත් කළ ව්‍යවස්ථා සංග්‍රහයේ විවිධ සංශෝධනටන්ට යටත්ව දැනට 1972 මැයි මස 05 වැනි දින සංශෝධිත විශ්‍රාම වැටුප් ව්‍යවස්ථා සංග්‍රහයේ විධි විධාන බල පැවැත්වේ. ශේෂගත ඉපැරණි සාධක අනුව වර්ෂ 1920 දී ශ්‍රී ලංකාවේ විශ්‍රාම වැටුප් වියදම රු. 2,155,792.10 ක් වන අතර එම වසරේ දී රජයේ මූලික වැටුප් වියදම රු.20,889,613.38 කි. තව ද එම වසරෙහි සමස්ත විශ්‍රාමික ප්‍රමාණය 1200 කි. මුළු විශ්‍රාම වැටුප් වියදමෙන් රු. 1,249,833.29 ක් දේශීය වශයෙන් ගෙවා ඇති අතර සැලකිය යුතු විදේශ සේවක පිරිසක් ද රාජ්‍ය සේවයේ නියුතුව සිටි බැවින් රු. 905,958.87 ක් විදේශිය විශ්‍රාමිකයන් වෙත Crown Agent විසින් ගෙවීම සිදු කර ඇත. 1898 අංක 01 දරණ වැන්දඹු හා අනත්දරු විශ්‍රාම වැටුප් අරමුදල් ආඥා පනතින් ආරම්භ වන වැන්දඹු අනත්දරු විශ්‍රාම වැටුප් ක්‍රමය 1906 දක්වා වැන්දඹු අනත්දරු අරමුදලක් වශයෙන් ක්‍රියාත්මක වූ අතර 1906 දී අරමුදල අහෝසි වී විශ්‍රාම වැටුප් යෝජනා ක්‍රමයක් බවට පරිවර්තනය විය. එහි දී අයකරන ලද සියලු දායක මුදල් රජයේ ඒකාබද්ධ අරමුදලට බැර විය. ඒ අනුව වැන්දඹු අනත්දරු විශ්‍රාම වැටුප් ගෙවීම රාජ්‍ය ඒකාබද්ධ අරමුදලට වැය බරක් විය.
රාජ්‍ය සේවයට බැදුණු විශ්‍රාම වැටුප් සහිත පත්වීම් ලත් සියලු නිළධාරීන් අනිවාර්ය වශයෙන් වැන්දඹු අනත්දරු විශ්‍රාම වැටුප් ක්‍රමයට දායක විය යුතු අතර 1983.08.01 දින සිට ක්‍රියාත්මක වන පරිදි විශ්‍රාම වැටුප් සහිත පත්වීම් ලත් සියලු රාජ්‍ය නිළධාරිණියන්ද අනිවාර්ය වශයෙන් වැන්දඹු අනත්දරු විශ්‍රාම වැටුප් ක්‍රමයට දායක විය යුතු ය.1898.06.23 දින සිට බලපැවැත්වෙන වැන්දඹු අනත්දරු විශ්‍රාම වැටුප් ආඥා පනත විවිධ යුග වලදී සිදු වූ සංශෝධනයන්ට යටත්ව දැනට ක්‍රියාත්මක වන්නේ 2010 අංක 08 දරණ සංශෝධන පනතයි. විශ්‍රාම වැටුප් ක්‍රමයේ ඉතිහාසය එසේ කාලීන වශයෙන් වෙනස්කම් සිදු වෙමින් යාවත්කාලීන වෙමින් පවතින අතර විවිධ යුග අනුව විශ්‍රාම වැටුප් ගෙවීම් ක්‍රියාවලිය සිදු කරනු ලබන ආයතනය හා ආයතන ව්‍යුහය ද විවිධ යාවත්කාලීනවීම් වලට යටත් වී ඇත. අධිරාජ්‍යවාදීන්ගේ පාලනයෙන් මිදුන ලංකාවේ රාජ්‍ය නිළධාරීන්ගේ විශ්‍රාම වැටුප් ගෙවීම් සම්බන්ධ කාර්යභාරයේ වගකීම පැවරී තිබුණේ මහා භාණ්ඩාගාරයේ අතිරේක ආයතන පාලකවරයකුට ය.එහෙත් 1970 දී රාජ්‍ය පරිපාලන අමාත්‍යංශය බිහි වීමත් සමග ඒ ශ්‍රේණියේ දෙපාර්තමේන්තුවක් ලෙස 1970.12.23 දින විශ්‍රාම වැටුප් දෙපාර්තමේන්තුව ස්ථාපිත විය. එහි දී රාජ්‍ය සේවකයන්ගේ විශ්‍රාම වැටුප් ගෙවීම් විෂයට අමතර වශයෙන් වැන්දඹු හා අනත්දරු විශ්‍රාම වැටුප් ක්‍රමය හා රාජ්‍ය සේවා අර්ථසාධක අරමුදල ද මේ දෙපාර්තමේන්තුවේ 2010 අංක 08 දරණ සංශෝධන පනතයි. විශ්‍රාම වැටුප් ක්‍රමයේ ඉතිහාසය එසේ කාලීන වශයෙන් වෙනස්කම් සිදු වෙමින් යාවත්කාලීන වෙමින් පවතින අතර විවිධ යුග අනුව විශ්‍රාම වැටුප් ගෙවීම් ක්‍රියාවලිය සිදු කරනු ලබන ආයතනය හා ආයතන ව්‍යුහය ද විවිධ යාවත්කාලීනවීම් වලට යටත් වී ඇත. අධිරාජ්‍යවාදීන්ගේ පාලනයෙන් මිදුන ලංකාවේ රාජ්‍ය නිළධාරීන්ගේ විශ්‍රාම වැටුප් ගෙවීම් සම්බන්ධ කාර්යභාරයේ වගකීම පැවරී තිබුණේ මහා භාණ්ඩාගාරයේ අතිරේක ආයතන පාලකවරයකුට ය.එහෙත් 1970 දී රාජ්‍ය පරිපාලන අමාත්‍යංශය බිහි වීමත් සමග ඒ ශ්‍රේණියේ දෙපාර්තමේන්තුවක් ලෙස 1970.12.23 දින විශ්‍රාම වැටුප් දෙපාර්තමේන්තුව ස්ථාපිත විය. එහි දී රාජ්‍ය සේවකයන්ගේ විශ්‍රාම වැටුප් ගෙවීම් විෂයට අමතර වශයෙන් වැන්දඹු හා අනත්දරු විශ්‍රාම වැටුප් ක්‍රමය හා රාජ්‍ය සේවා අර්ථසාධක අරමුදල ද මේ දෙපාර්තමේන්තුවේ.
විෂය පථයට එක්කරන ලදී.එතෙක් වැන්දඹු හා අනත්දරු විශ්‍රාම වැටුප් ක්‍රමය මුදල් අමාත්‍යංශය යටතේ උප දෙපාර්තමේන්තුවක් වශයෙන් (වැන්දඹු හා අනත්දරු විශ්‍රාම වැටුප් කාර්යාලය) පැවතුනි. රාජ්‍යසේවා අර්ථසාධක අරමුදල ක්‍රියාත්මක වූයේ 1942 ඇරඹූ නියෝජ්‍ය භාණ්ඩාගාර ලේකම්වරයාගේ සහභාගීත්වයෙනි. රාජ්‍ය සේවා සමාජාරක්ෂණය ප්‍රමුඛ වූ මේ අංශ ත්‍රිත්වය ඒකාබද්ධ කර විශ්‍රාම වැටුප් දෙපාර්තමේන්තුව නිර්මාණය වුවත් මේ දෙපාර්තමේන්තුව ස්ථාපිතව තිබුණේ මහා භාණ්ඩාගාරයෙහිය. පසුව විවිධ අංශ කොළඹ ප්‍රධාන ස්ථාන කීපයක පවත්වාගෙන යන ලදී.එනම් කොළඹ මහලේකම් කාර්යාල ගොඩනැගිල්ලේ දෙවන මහලේ ප්‍රධාන කාර්යාලය හා අංශ කීපයකුත්, පළමු මහලේ එක් අංශයකුත්, එම ගොඩනැගිල්ල අවට බිමෙහි වැන්දඹු හා අනත්දරු විශ්‍රාම වැටුප් කාර්යාලයත්, බම්බලපිටියේ ගොඩනැගිල්ලක රාජ්‍ය සේවා අර්ථසාධක අරමුදල් කාර්යාලයත්, මාළිගාවත්ත මහලේකම් කාර්යාල ගොඩනැගිල්ලේ ගුරු වැන්දඹු හා අනත්දරු විශ්‍රාම වැටුප් කාර්යාලයත් පවත්වාගෙන යන ලදී. මේ අංශ විසිරී පැවතීම නිසා ඇති වූ පරිපාලනමය අපහසුව හා සේවා දායකයන්ට දෙපාර්තමේන්තුව හා සම්බන්ධ වීමේ දී ඇති වූ දුෂ්කරතා සැලකිල්ලට ගෙන 1980.08.10 දින කොළඹ පිටකොටුවේ ඇන්.එච්.ඇම්.කාදර් මාවතේ අංක 10 දරන ස්ථානයේ පිහිටි කැප්රිකෝන් ටවර් ගොඩනැගිල්ලට විශ්‍රාම වැටුප් දෙපාර්තමේන්තුව ගෙනයන ලදී. පසු කාලීනව රටේ පැවති ත්‍රස්තවාදී වාතාවරණය මත ශ්‍රී ලංකා මහ බැංකු ගොඩනැගිල්ලට ත්‍රස්ත ප්‍රහාර එල්ල වීමත් සමඟ විශ්‍රාම වැටුප් දෙපාර්තමේන්තුව මාළිගාවත්ත මහලේකම් කාර්යාල ගොඩනැගිල්ලෙහි ස්ථාපිත කරන ලදී. එතැන් සිට අද දක්වා විශ්‍රාම වැටුප් දෙපාර්තමේන්තුව මහල් පහකින් යුතු එම ගොඩනැගිල්ලේ ස්ථාපිතව පවතී.
එමෙන්ම සංවිධාන ව්‍යුහ ඉතිහාසය සැලකිල්ලට ගැනීමේ දී රාජ්‍ය පරිපාලන අමාත්‍යංශය යටතට පත්වීමෙන් අනත්දරු විශ්‍රාම වැටුප් දෙපාර්තමේන්තුවේ ප්‍රථම අධ්‍යක්ෂකවරයා වූයේ අතිරේක ආයතන පාලන වශයෙන් කටයුතු කළ ලෙනාඩ් පනම්බලම මහතාය. ඒ වන විට දෙපාර්තමේන්තු සමස්ථ කාර්ය මණ්ඩලය 200 කට සීමා විය. ශ්‍රී ලංකා පරිපාලන සේවය, ශ්‍රී ලංකා ගණකාධිකාරී සේවය, ඒකාබද්ධ සේවයේ අනෙකුත් නිළධාරීන්ගෙන් කාර්ය මණ්ඩලය සමන්විත වූ අතර දෙපාර්තමේන්තු කාර්යභාරය පුළුල් වීමත් සමඟ 2005 වසරේ දී විශ්‍රාම වැටුප් නිලධාරීන් 340 ක් හා ලේඛන සහකාරවරු 141 ක් බඳවා ගැනීමෙන් පසු විශ්‍රාම වැටුප් දෙපාර්තමේන්තුගත නිලධාරී ගණනයක් ද ස්ථාපිත විය. තව ද විශ්‍රාම වැටුප් දෙපාර්තමේන්තුවේ බලය දිසාපති කාර්යාලයන් වෙත විමධ්‍යගත කර තිබූ අතර 1993 දී එය ප්‍රාදේශීය ලේකම් කාර්යාල දක්වා ව්‍යාප්ත විය. එමෙන්ම 1996 දී ඒ ඒ රාජ්‍ය ආයතන වෙතට තවදුරටත් කාර්යභාරය විමධ්‍යගත කරන ලදී. රාජ්‍ය පරිපාලන අමාත්‍යංශ යටතේ දෙපාර්තමේන්තුවක් බවට පත්වීමෙන් පසු මේ දක්වා විශ්‍රාම වැටුප් දෙපාර්තමේන්තුවේ දෙපාර්තමේන්තු ප්‍රධානීන් ලෙස කටයුතු කරන ලද්දේ පහත නිළධාරීන්ය.
දෙපාර්තමේන්තු ප්‍රධානීන්
ලෙනාඩ් පනම්බලම මහතා
1971 - 1975
ශ්‍යාමන් ජයසිංහ මහතා
1976 - 1979
ඩොනල්ඩ් අබේසිංහ මහතා
1979 - 1986
එස්. සිවානන්දන් මහතා
1987 - 1989
ඔස්ටින් ජයවර්ධන මහතා
1990 - 1991
ආර්. ඩබ්. පියසේන මහතා
1991 - 1995
ආරිය සමරවීර මහතා
1995 - 1997
පී. එම්. පී.ජයවර්ධන මිය
1997 - 2001
එස්. ඩබ්. රාජපක්ෂ මහතා
2001 - 2002
වික්ටර් සමරවීර මහතා
2002 - 2004
කේ. ඒ. තිලකරත්න මහතා
2004 - 2012
එන්. අබේවික්‍රම මිය
2012 - 2012
ඩී.ස්වර්ණපාල මහතා
2012 - 2013
එස්. එස්. හෙට්ටිආරච්චි මහතා
2013 - 2016
ඒ. ජගත් ඩී. ඩයස් මහතා
2016 - 2025
දැන්වීම්
